ව්‍යායාම කිරීම මගින් මානසික ආතතිය දුරුකරන්නේ කෙසේ ද?

නිතිපතා ව්‍යායාම කිරීමෙන් ලැබෙන සෞඛ්‍ය ප්‍රතිලාභ ගැන ඔබට යම් පමණක හෝ අවබෝධයක් තිබිය හැකි නමුත් ව්‍යායාම කිරීමට කාලය සොයා ගැනීම අභියෝගයක් විය හැකි ය.

Aerobics සිට යෝග දක්වා, සෑම ශාරීරික ක්‍රියාකාරකමක් ම ඔබට ආතතිය අඩු කිරීමට උපකාරී වේ. කුඩා ශාරීරික ව්‍යායාම ක්‍රම පවා ඔබේ මානසික ආතතිය අවම කර ගැනීමට බොහෝ දුරට උපකාරී වේ. ශාරීරික ක්‍රියාකාරකම් මගින් ආතතිය අඩු කිරීම සහ එය ඔබගේ ආතති කළමනාකරණ උපාය මාර්ගයේ කොටසක් විය යුත්තේ මන් දැ යි සොයා බලන්න.

ආතතිය සමනය කිරීම සඳහා ව්‍යායාම උපකාර කර ගත හැකි ක්‍රම

ඔබ ව්‍යායාම කළ දවසක් සහ ව්‍යායාම සිදු නො කළ දවසක් සැසඳූ විට ඔබට ම ඔබ ගැන යහපත් වෙනසක් (කායික හා මානසික) හා වැඩි ශක්තියක් දැනෙනු ඇත. ව්‍යායාමවල සෘජු ප්‍රතිලාභ පිලිබඳ ව දැන් අපි අවධානය යොමු කරමු.

එය මනෝභාවය වැඩි දියුණු කිරීමකි

විවිධ හේතූන් මත, ශාරීරික ව ක්‍රියාශීලී වීම සහ ශාරීරික ක්‍රියාකාරකම්වල නිරත වීමෙන් කෙනෙකුගේ මනෝභාවය ඉහළ නැංවිය හැකි ය. උදෑසන සහ ඔබ ඔබේ දවස ආරම්භ කිරීමට පෙර ව්‍යායාම කිරීම ශරීරයට සහ මනසට ඉතා හොඳ පිබිදීමක් විය වනු ඇත. මෙය සමස්ත ශරීරයට සහ මනසට සැහැල්ලු හා ප්‍රසන්න හැඟීමක් ඇති කරයි. උදෑසන ව්‍යායාම කරන අය මුළු දවස පුරා ම කඩිසර ව සිටින අතර ව්‍යායාම නො කරන අයට වඩා වැඩි ශක්තියකින් වැඩකටයුතු සිදු කරන බව පෙනේ.

එන්ඩොර්ෆින් නිෂ්පාදනය වැඩි කරයි

අධ්‍යයනයන් ගණනාවක් පෙන්නුම් කර ඇත්තේ ශාරීරික ක්‍රියාකාරකම් ශරීරයේ එන්ඩොර්ෆින් (endorphin) නිෂ්පාදනය උත්තේජනය කරන බව යි. එය කායික යහපැවැත්ම පිළිබඳ හැඟීමක් ලබා දීමට අමතර ව, එය ප්‍රබල වේදනා නාශකයක් ද වේ. සැහැල්ලු ව්‍යායාමයකින් හෝ ශාරීරික ක්‍රියාකාරකම්වලින් පසු මනෝභාවය සහ ශක්තිය වැඩි වීම ශරීරයේ එන්ඩොර්ෆින් මුදා හැරීමේ ප්‍රතිඵලයකි. ඇවිදීම හෝ පැනීම වැනි සරල ව්‍යායාම කෙනෙකුගේ මනෝභාවයට සැලකිය යුතු ධනාත්මක බලපෑමක් ඇති කරන බව පෙන්වා දී ඇත.

මොළය සන්සුන් කිරීමෙන් මානසික අවපීඩනය වළක්වයි

විවිධ ව්‍යායාම ක්‍රම නිතිපතා සිදුකිරීම මගින් මනස සන්සුන් ව තබාගැනීමට උපකාරී වේ. ව්‍යායාමයේ දී මාංශපේශී නිශ්චිත කාර්යයක් වෙත යොමු කිරීම මගින් මාංශපේශී වර්ධනය කිරීමට ද හේතු වේ. එහි ප්‍රතිඵලයක් වශයෙන්, එන්ඩොර්ෆින් ශරීරය පුරා සැලකිය යුතු ප්‍රමාණවලින් මුදා හරිනු ඇත. ව්‍යායාම නිතිපතා කරන විට මානසික අවපීඩනය අඩු කරන බව පෙන්වා දී ඇත. ශාරීරික ක්‍රියාකාරකම් තුළින් ඔබේ ශරීරය කෙරෙහි අවධානය යොමු කිරීමට උපකාර කිරීමෙන් මනස සන්සුන් කිරීමට ද උපකාරී වේ. ඔබ ඔබේ ශරීරයට පමණක් අවධානය යොමු කිරීමට සෑම දිනකම මිනිත්තු කිහිපයක් හෝ පැය කිහිපයක් ගත කිරීමට කැමති නම්, එය වඩාත් යෝග්‍ය වේ.

එය සමාජ අන්තර්ක්‍රියා වැඩි දියුණු කරයි

ඔබේ ශරීරයේ හෝමෝන සැපයුම වැඩි දියුණු වන විට පවුලේ අය සහ මිතුරන් සමග කාලය ගත කිරීමට ඔබේ කැමැත්ත ද වැඩි වේ. වැඩි ශක්තියක් සමග, ඔබට රැකියාවෙන් පසු හෝ සති අන්තයේ ඔබ කැමති පරිදි මිතුරන් සහ පවුලේ අය සමග කාලය ගත කළ හැකි ය. එ හි ප්‍රතිඵලයක් ලෙස ඔබේ මානසික යහපැවැත්ම සම්බන්ධයෙන් ද ඔබට ප්‍රයෝජන ලැබෙනු ඇත. ඊට අමතර ව, ඔබ නිතිපතා ව්‍යායාම් මධ්‍යස්ථානයකට හෝ එළිමහන් ව්‍යායාම සඳහා ගියහොත්, ඔබ නව පුද්ගලයින් මුණගැසී මිතුරන් ඇති කර ගැනීම මගින් ඔබේ සමාජ කවය පුළුල් කර ගත හැකි ය.

විශ්වාසය වැඩි දියුණු වේ

ව්‍යායාම මගින් කෙනෙකුගේ ආත්ම අභිමානය සහ පෞරුෂය පිළිබඳ හැඟීම ඉහළ නංවයි. නිරතුරුව ව්‍යායාම කිරීම නිසා ඔබේ කායික සහ චිත්තවේගවල යහපැවැත්ම වැඩිදියුණු වේ. නිතිපතා ව්‍යායාම පුරුද්දක් පවත්වා ගැනීමෙන් ඔබට නිරෝගී ශරීර බරක් සහ මානසික සුවතාවයක් පවත්වා ගැනීමට උපකාරී වේ. ප්‍රතිඵලයක් වශයෙන්, ඔබේ ආත්ම අභිමානය සහ ආත්ම විශ්වාසය ඉහළ යනු ඇත.

ආතතිය මග හරවා ගැනීම සඳහා උපකාරවන ව්‍යායාම

ඔබේ සතිපතා ව්‍යායාම අරමුණු සපුරාලීමට විවිධ ක්‍රම තිබේ. ආතතිය අවම කරගැනීම සඳහා ව්‍යායාමවල ප්‍රතිලාභ ලබා ගැනීමට ඔබ මැරතන් ධාවකයෙකු හෝ අසාමාන්‍ය මලල ක්‍රීඩකයෙකු වීමට අවශ්‍ය නො වේ. බයිසිකල් පැදීම, වේගයෙන් ඇවිදීම හෝ පැනීම, පිහිනීම හෝ aerobics, ටෙනිස් හෝ බැඩ්මින්ටන් ක්‍රීඩා කිරීම, නැටුම්, සහ යෝග අභ්‍යාස කිරීම වැනි මධ්‍යස්ථ ස්වායු ව්‍යායාම කිහිපයක් සලකා බලන්න.

බර ඉසිලීම වැනි ක්‍රියාකාරකම් සමග ඔබේ මාංශ පේශි ශක්තිමත් කරන්න. විදුලි සෝපානය වෙනුවට පඩිපෙළ නැගීම වැනි සරල කාර්යයන් පවා ඔබේ මානසික සෞඛ්‍යයට ධනාත්මක බලපෑමක් ඇති කළ හැකි ය.

ආධුනිකයෙකු ලෙස, එය පහසු කර ඔබේ විඳදරාගැනීමේ හැකියාව ක්‍රමයෙන් ගොඩනගා ගන්න. ඔබට කාලය මදි නම්, ඔබේ ව්‍යායාමය දවස පුරා මිනිත්තු 10 ක කොටස්වලට බෙදන්න. ආතති සහන ව්‍යායාමවල ප්‍රතිලාභ ලබා ගැනීම සඳහා, ඔබ නිතිපතා මිනිත්තු කිහිපයක් aerobic ක්‍රියාකාරකම් සිදු කරන්න.

ඔබට කොපමණ අභ්‍යාස ප්‍රමණයක් අවශ්‍ය ද?

ඇමරිකානු හෘද සංගමය මගින් ප්‍රකාශයට පත් කර ඇති දත්ත අනුව සතියකට මිනිත්තු 150 ක මධ්‍යස්ථ වායුගෝලීය ක්‍රියාකාරකම් (moderate atmospheric activity) යෝග්‍ය බව පවසයි. අවම වශයෙන් සතියකට පස් වතාවක්, මිනිත්තු 30 ක ව්‍යායාම සම්පූර්ණ කිරීමට ඔවුන් නිර්දේශ කරයි. කාර්යබහුල ඔබට ඔබේ කාලසටහනට සම්පූර්ණ මිනිත්තු 30ක් ගැලපිය නො හැකි නම්, මිනිත්තු 10ක ව්‍යායාම තුනක් සිදු කිරීම ද, ඒ තරම් ම ඵලදායී බව ඔප්පු වී ඇත (මූලාශ්‍රය).

සතියකට අවම වශයෙන් මාංශ පේශි ශක්තිමත් කිරීමේ ව්‍යායාම දෙකක් පමණ හෝ සිදු කිරීම යෝග්‍ය වේ. ඔබේ ඉහළ සහ පහළ පිටුපස සහ අත් මෙන් ම ඔබේ උදරය, උරහිස් සහ පපුව වැනි ඔබේ ප්‍රධාන මාංශ පේශි සියල්ල ම ක්‍රියා කරවීමට වග බලා ගන්න.

ශාරීරික යෝග්‍යතා ව්‍යායාම සඳහා ආධුනිකයෙකු ලෙස, ඔබේ ශාරීරික ක්‍රියාකාරකම් ක්‍රමයෙන් වැඩි කර ගැනීම වැදගත් වේ. නිදසුනක් වශයෙන්, ඔබේ වෛද්‍යවරයා ඔබට සතියකට තුන් වතාවක් මිනිත්තු 20 ක aerobic ක්‍රියාකාරකම් ආරම්භ කර එතැන් සිට ඉහළට යාමට නිර්දේශ කළ හැකි ය.

ව්‍යායාම කිරීම ආතතිය දුරුකරන්නක් වන්නේ කෙසේ ද: නිගමනය

නිතිපතා ව්‍යායාම කිරීම අපගේ කායික හා මානසික යහපැවැත්මට බෙහෙවින් ඉවහල් වේ. නිතිපතා ව්‍යායාම කිරීමෙන් අපගේ ශරීරය සහ මනස හැඩගස්වා ගැනීම විශාල ආතතිය දුරු කිරීමක් විය හැකිය. ඔබේ ව්‍යායාම සඳහා ඔබ හොඳින් සන්නද්ධ ව සිටින බවට වග බලා ගැනීමට අමතරව, ඔබ සැපපහසුව සිටීම අත්‍යවශ්‍ය වේ.

සියලු ම යෝග්‍යතා මට්ටම් වල පුද්ගලයන්ට ඔවුන්ගේ හැඩය නැති වුව ද මලල ක්‍රීඩා නො කළ ද ව්‍යායාම කිරීම මගින් ආතතිය සමනය කිරීමේ ප්‍රතිලාභ භුක්ති විඳිය හැක. නිතිපතා ක්‍රියාශීලී ව සිටීමෙන් ඔබේ මනෝභාවය ඉහළ නැංවිය හැකි අතර ආතතිය සහ කාංසාව මෙන් ම මානසික අවපීඩනය වැනි හැඟීම් අඩු කිරීමෙන් ඔබේ මානසික තත්ත්වය ඉහළ නැංවිය හැකි ය. එය ඔබේ සාමාන්‍ය සෞඛ්‍යයට, විශේෂයෙන් ඔබේ හෘද වාහිනී පද්ධතියට ධනාත්මක බලපෑමක් ඇති කළ හැකි ය.